Eng-Hazem Elabedy إدارة الموقع
عدد الرسائل : 134 العمر : 33 العمل/الترفيه : مهندس بترول الاوسمه : الدوله : السٌّمعَة : 0 نقاط : 89 تاريخ التسجيل : 30/04/2008
| موضوع: قصيده كلب الست بصوت أحمد فؤاد نجم السبت أغسطس 02, 2008 6:20 pm | |
|
قصيدة كلب الست لأحمد فؤاد نجم
كلب الست ف الزمالك من سنين و ف حمى النيل القديم قصر من عصر اليمن ملك واحدة من الحريم صيتها أكتر م الأدان يسمعوه المسلمين و التتر و التركمان و الهنود و المنبودين ست فاقت ع الرجال ف المقام و الاحترام صيت و شهرة و تل مال يعني في غاية التمام قصره يعني هي كلمة ليها كلمة ف الحكومة بس ربك لجل حكمة قام حرمها م الأمومة و الأمومة طبع ثابت جوه حوا من زمان تعمل ايه الست جابت فوكس رومي و له وان فوكس دا عقبال إملتك عنده دستية خدامين يعني مش موجود ف عيلتك شخص زيه يا اسماعين و اسماعين دا يبقى واحد م الجماعة الغلبانين اللي داخو ف المعاهد و المدارس من سنين حب يعمل واد فكاكه و يمشي حبه ف الزمالك و القيافة و الفتاكة يرموا طبعا ع المهالك عم سمعه من قيافته حب يعمل فيها فله بعد ما ألوط بيجامته اشترى حتة مجله قول مش بيقراف حكاية من حكايات الغرام و اندماجه ف القرايه خلا مشيه مش تمام ع اليمين يحدف بعيد خطوتين و تروح شمال لمحه فوكس من الحديد قال دا صيد سهل و حلال هب نط ف كرشه دوغري جاب بيجامته لحد ديلها اسماعين بدال ما يجري قال يا رجلي رجلي مالها بص شاف الدم سايح من عاليها و من واطيها و ياللي جاري و ياللي رايح المجلة مش لاقيها حبه و تلمو الظنايا اللي هما البوابين و الحكايه و الروايه قال لهم دا كلب مين ؟ كلب مين ما كلب مينشي سمعه لبخ حبتين قال له واحد فيهم امشي اللي جابك انده مين قال دا شارع يا مواشي للجميع راكب و ماشي كلمة من دا و كلمة من دا ظاطو و انقلبت فضيحة قول نهايته و القصد من دا اسماعين شرب الطريحة راحو اسم الشرطة جمعا و النيابة كفيلة بيهم و اترموا ف الحجر طبعا لما ييجي الدور عليهم شاف بلاوي ما تنحكيش م الهفايا المحبوسين قال يا عالم يا شاويش يا نيابة .. يا مسؤلين خلصوه بعد المناهدة جثه من جحر الديابه هي يمكن ساعة واحدة كان ف مكتب النيابة قال له ـ مالك يا اسماعين قال له ـ زي البمب مالي قال له ـ عضك فوكس فين قال له ـ سيبني أروح لحالي انت شوف سي فوكس يمكن خد تسمم غصب عني الوكيل قال برضه ممكن و الشاويش قعد يغني هييص يا كلب الست هيص لك مجامك ف البوليس بكرة تتولف وزارة للكلاب ياخدوك رئيس انت توى ف النيابة تسعمية من الغلابة طب يا ريت يا فوكس كنا و لا تربطنا الجرابة انت فين و الكلب فين انت كده يا اسماعين طب دا كلب الست يا ابني و انت تطلع ابن مين بشرى لصاحب الديول ولــللي له أربع رجول بشرى لسيادنا البهايم من جمايس أوعجول اللي صاحبه يا جماعة له أغاني ف الاذاعة راح يدوس فوق الغلابة و النيابة بالتباعة هيص يا كلب الست هيص هيص يا كلب الست هيص
| |
|